Skip to main content

കേരളത്തെ ഗുജറാത്ത് പോലെ വികസിപ്പിക്കുമത്രേ!

മാനവ വികസന ഇൻഡക്സ്:
ഇൻഡ്യയുടെ ശരാശരി  - 0.609,
കേരളത്തിന്റേത് - 0.825,
ഗുജറാത്തിന്റേത് - 0.599 (https://en.wikipedia.org/wiki/List_of_Indian_states_and_territories_by_Human_Development_Index)

സാക്ഷരതാ നിരക്ക്:
ഇൻഡ്യയുടെ ശരാശരി - 74.04,
കേരളത്തിന്റേത് - 93.91,
ഗുജറാത്തിന്റേത് - 79.31 (https://en.wikipedia.org/wiki/Indian_states_ranking_by_literacy_rate)

ഒരു പൗരന്റെ ശരാശരി പ്രതീക്ഷിത ജീവിതദൈർഘ്യം:
ഇൻഡ്യയുടെ ശരാശരി  - 63.5 വയസ്സ്,
കേരളത്തിന്റേത് - 74 വയസ്സ്,
ഗുജറാത്തിന്റേത് - 64.1 വയസ്സ് (https://en.wikipedia.org/wiki/List_of_Indian_states_by_life_expectancy_at_birth)

ശിശുമരണ നിരക്ക് (ജനിക്കുന്ന ആയിരം കുട്ടികളിൽ എത്ര പേർ മരിക്കുന്നു):
ഇൻഡ്യയുടെ ശരാശരി  - 40,
കേരളത്തിന്റേത് - 12,
ഗുജറാത്തിന്റേത് - 36 (http://censusindia.gov.in/vital_statistics/SRS_Bulletins/SRS%20Bulletin%20-Sepetember%202014.pdf)

ലിംഗഅനുപാതം (ആയിരം പുരുഷൻമാർക്ക് എത്ര സ്ത്രീകൾ എന്ന കണക്ക്):
ഇൻഡ്യയുടെ ശരാശരി  - 919,
കേരളത്തിന്റേത് - 1084,
ഗുജറാത്തിന്റേത് - 918 (https://en.wikipedia.org/wiki/Indian_states_and_territories_ranking_by_sex_ratio)

ഇങ്ങനെ ഒരു സംസ്ഥാനത്തിരുന്നോണ്ട്, ഇവിടത്തെ സകല സൗകര്യങ്ങളും ആസ്വദിക്കുന്ന ഒരാള് ഒരു തെരെഞ്ഞെടുപ്പ് സീറ്റ് കിട്ടിയപ്പോ പറയുന്നു, കേരളത്തെ ഗുജറാത്ത് പോലെ വികസിപ്പിക്കുമെന്ന്. കൂടെ അതിന് ഹോയ് വിളിക്കാൻ കുറേ പേര് വേറെ. പ്രശ്നം വേറൊന്നുമല്ല, മേലെ രണ്ടാമത് പറഞ്ഞ ഐറ്റം - സാക്ഷരത - അളക്കുന്നതിലുള്ള പ്രശ്നമാണ്. അക്ഷരത്തെറ്റില്ലാതെ വഷളത്തരം എഴുതിപ്പിടിപ്പിക്കാനുള്ള കഴിവിനെയാണ് നമ്മളിന്ന് സാക്ഷരത എന്ന് വിളിക്കുന്നത്. അത് പതിയെപ്പതിയെ മറ്റ് ഐറ്റങ്ങളേയും ബാധിയ്ക്കും. അന്ന് മിക്കവാറും ടി യുവനേതാവിന് സീറ്റ് ഉറപ്പിക്കാം. തത്കാലം സമയമായിട്ടില്ല.

എന്തായാലും, പോകുന്ന പോക്കിന് ഈ വിക്കിപ്പീഡിയ ലേഖനം കൂടി ഒന്ന് കണ്ടേക്കുക. ഐക്യരാഷ്ട്രസഭയുടെ ശ്രദ്ധ പിടിച്ചുപറ്റിക്കൊണ്ട്, മറ്റ് വികസിതരാജ്യങ്ങളോട് കിടപിടിക്കുന്ന സാമൂഹ്യസാഹചര്യങ്ങൾ പ്രദർശിപ്പിക്കുന്ന, ഒരു മൂന്നാം ലോകരാജ്യത്തെ ഒരു കൊച്ചുസംസ്ഥാനത്തെ പറ്റിയുള്ളതാണ്. അതിനെ 'കേരളാ മോഡൽ' എന്ന് വിശേഷിപ്പിക്കപ്പെടുന്നു. https://en.wikipedia.org/wiki/Kerala_model

പേടിക്കണ്ടാ കേരളാ മോഡൽ സാധിച്ചെടുക്കാൻ സഹായിച്ച ഘടകങ്ങൾ പരിഗണിക്കുമ്പോൾ ഇത് വെറും ചരിത്രം മാത്രമാണ്. വർത്തമാനത്തിൽ കേരളം അതിന്റെ രൂപം പോലെ തന്നെ പടവലങ്ങാ മോഡൽ കീഴോട്ടുള്ള വളർച്ചയാണ് കാണിക്കുന്നത്.




Comments

  1. സുധി അറയ്ക്കൽJuly 31, 2016 at 7:05 PM

    ഗുജറാത്തിന്റെ വലുപ്പത്തിന്റെ എത്ര ശതമാനം വരും കേരളം എന്ന കാര്യം കൂടിയുണ്ടായിരുന്നെങ്കിൽ പഠനങ്ങൾ പൂർണ്ണമായേനേയെന്നൊരാശങ്ക.

    ReplyDelete
  2. സുധി അറയ്ക്കൽJuly 31, 2016 at 7:08 PM

    ഗുജറാത്തിന്റെ വലുപ്പത്തിന്റെ എത്ര ശതമാനം വരും കേരളം എന്ന കാര്യം കൂടിയുണ്ടായിരുന്നെങ്കിൽ പഠനങ്ങൾ പൂർണ്ണമായേനേയെന്നൊരാശങ്ക.

    ReplyDelete

Post a Comment

Popular posts from this blog

പ്രകൃതിയുടെ നടപ്പുരീതികളും മനുഷ്യന്റെ തലച്ചോറും

നമ്മുടെയീ പ്രകൃതിയിൽ ചില നടപ്പുരീതികൾ ഉണ്ട്. ഞെട്ടറ്റ പഴം താഴെയ്ക്ക് വീഴും, ചൂട് ചായ തുറന്നുവച്ചാൽ അത് തണുക്കും, ഐസുവെള്ളം തുറന്നുവെച്ചാൽ അത് ചൂടാകും, എന്നിങ്ങനെ പ്രകൃതിയിൽ സ്വാഭാവികമായി നടക്കുന്ന പ്രക്രിയകളെയാണ് നടപ്പുരീതികൾ എന്നുദ്ദേശിച്ചത്. അതിന്റെയെല്ലാം പിന്നിൽ പ്രവർത്തിക്കുന്ന ചില പ്രകൃതിനിയമങ്ങൾ (Laws of nature) ഉണ്ട്. ഫിസിക്സ് ക്ലാസ്സിൽ അത്തരം നിയമങ്ങളെക്കുറിച്ച് നമുക്ക് പഠിയ്ക്കാൻ കഴിയും. പക്ഷേ ഇവിടുത്തെ വിഷയം ഈ നിയമങ്ങൾ മനസിലാക്കാൻ നമ്മൾ എത്രത്തോളം സജ്ജരാണ് എന്നതാണ്. ഈയുള്ളതൊക്കെ അനുസരിക്കുന്നത് ദൈവം എന്ന് വിളിക്കപ്പെടുന്നൊരു ആകാശമൂപ്പിലാൻ എഴുതിയുണ്ടാക്കിയ ഭരണഘടനാച്ചട്ടങ്ങളാണെന്ന് വിശ്വസിക്കുന്നവരെ സംബന്ധിച്ച് ഇപ്പറഞ്ഞതൊരു പ്രശ്നമേയല്ല. എന്തുകൊണ്ട് എന്ന ചോദ്യത്തിന് "അത് അങ്ങനെയാ!" എന്നൊരു മറുപടിയിൽ കാര്യം കഴിയും. അവർ ഭാഗ്യമുള്ളവരാണ്. അവരുടെ ജീവിതവും ചിന്തകളും, പഞ്ചസാര കൂടുതലിട്ടാൽ കട്ടൻചായക്ക് മധുരം കൂടും എന്നതുപോലെയുള്ള ലളിതമായ യുക്തിയിൽ കടന്നുപോകും. മറിച്ച് പ്രകൃതിനിയമങ്ങളെ കൂടുതൽ വിശദമായി മനസിലാക്കിയെടുക്കാൻ ഒരു ശ്രമം നടത്തിയാൽ, അത്ര എളുപ്പമുള്ളതല്ല അത്. പ്ര...
1 comment
Read more

വലിയവയുടേയും ചെറിയവയുടേയും വിചിത്രലോകങ്ങൾ

സാമാന്യബുദ്ധിയെ ചോദ്യം ചെയ്യുന്ന ആപേക്ഷികതാ സിദ്ധാന്തം (Relativity), ക്വാണ്ടം മെക്കാനിക്സ് എന്നീ വിഷയങ്ങളെ, പരമാവധി സാധാരണക്കാരുടെ ഭാഷയിൽ പരിചയപ്പെടുത്തുന്നതിനുള്ള ഒരു ശ്രമമാണിവിടെ. നമ്മുടെ നിത്യജീവിതത്തിലെ അനുഭവങ്ങളാണല്ലോ സാമാന്യബുദ്ധി രൂപം കൊള്ളുന്നതിൽ പ്രധാന പങ്ക് വഹിക്കുന്നത്. നമ്മുടെ ഭാവനയ്ക്ക് പോലും വഴങ്ങാത്തത്ര വലുതോ ചെറുതോ ആയ പല വസ്തുക്കളും അവയുൾപ്പെടുന്ന പ്രതിഭാസങ്ങളും നമുക്ക് തീരെ പരിചിതമല്ല. അതുകൊണ്ട് തന്നെ, നമ്മുടെ സാമാന്യബുദ്ധിയ്ക്ക് അനുസരിച്ചല്ല അവ പെരുമാറുന്നത് എന്നത് അംഗീകരിക്കാൻ സമയമെടുക്കും. അതാണ് റിലേറ്റിവിറ്റിയ്ക്കും ക്വാണ്ടം ഫിസിക്സിനും സംഭവിക്കുന്നത്. ഈ വിഷയങ്ങളുമായി ബന്ധപ്പെട്ട എല്ലാ പ്രതിഭാസങ്ങളേയും പരിചയപ്പെടുത്തുന്നതിന് പകരം അവയുടെ ലോകം എന്തുകൊണ്ട് വിചിത്രമാകുന്നു എന്ന അന്തഃസത്തയിലാണ് ഊന്നൽ നൽകിയിരിക്കുന്നത്. മുന്നറിയിപ്പ്: ഇതിലെ ഉള്ളടക്കം കുറേയൊക്കെ over-simplified ആണ് എന്നത് ഫിസിക്സ് ഐച്ഛികവിഷയമായി പഠിക്കുന്നവർ പ്രത്യേകം ശ്രദ്ധിക്കുക.
Post a Comment
Read more

"നിങ്ങൾ പഠിച്ചിട്ട് വിമർശിക്കൂ"

"ചേട്ടാ, ഇന്നാള് ഞാനൊരു പുസ്തകം വായിച്ചു. കഥയും നോവല്വോന്നുമല്ല. 1800 പേജുകളുള്ള, വളരെ വിജ്ഞാനപ്രദമായ ഒരു വലിയ പുസ്തകം. ഇന്‍ഡ്യയെക്കുറിച്ചാണ് അതില്‍ വിവരിക്കുന്നത്. ഇന്‍ഡ്യന്‍ സ്വാതന്ത്ര്യസമരത്തിന് നേതൃത്വം കൊടുത്ത മാവോ സേ തൂങ്ങിന്റെ ജീവിതകഥയും തുടര്‍ന്ന് എബ്രഹാം ലിങ്കണ്‍ ചെങ്കോട്ടയില്‍ സത്യപ്രതിജ്ഞ ചെയ്ത് ഇന്‍ഡ്യയുടെ ആദ്യ പ്രധാനമന്ത്രി ആയതുവരെയുള്ള സംഭവങ്ങളുമാണ് അതിന്റെ ആമുഖം." "എന്ത്?! നീയെന്തോന്നെടാ ഈ പറയുന്നത്?" "ആ, അതേന്നേ! പിന്നെയുള്ള പന്ത്രണ്ട് അദ്ധ്യായങ്ങളില്‍ ഇന്‍ഡ്യയുടെ ചരിത്രം മൊത്തം വിശദമായി പ്രതിപാദിക്കുന്നുണ്ട്". "ശ്ശെന്റെ പൊന്നേ! നീയാ 1800 പേജും വായിച്ചാ?!" "വായിച്ചു. പിന്നില്ലാതെ?" "നിനക്ക് വേറെ പണിയൊന്നുമില്ലേ, ഇമ്മാതിരി ഐറ്റങ്ങളൊക്കെ വായിച്ച് സമയം കളയാന്‍?" "അതെങ്ങനാ ചേട്ടാ സമയം കളയലാവുന്നത്?" "എടാ, ഇതൊക്കെ വായിച്ച് തുടങ്ങുമ്പോള്‍ തന്നെ അറിഞ്ഞൂടെ സാധനം മൊത്തം പൊട്ടത്തെറ്റാണെന്ന്? പിന്നെ വായിച്ച് സമയം കളയണോ?" "എന്നാലും ചേട്ടാ ഇത്രയും വിശദമായി എഴുതിയേക്കുന്നതല്ല...
Post a Comment
Read more